Daxili işlər naziri, general-polkovnik Ramil Usubov bölgələrdə vətəndaşlarla görüşlərini davam etdirəcəkdir. 
Daxili İşlər Nazirliyinin mətbuat xidmətindən bildirmişlər ki, növbəti görüş iyunun 4-də Bərdə şəhərində keçiriləcəkdir.
Bu dəfə nazir R.Usubov daxili işlər orqanları əməkdaşlarının fəaliyyəti ilə bağlı Bərdə, Ağcabədi, Tərtər, Ağdam, Şuşa, Laçın, Beyləqan, Füzuli, Xocavənd, Zəngilan rayonları vətəndaşlarının rəyini öyrənəcək, onların problemləri ilə maraqlanacaqdır.
Vətəndaşlarla görüş Bərdə Rayon Polis Şöbəsində saat 11.00-da başlayacaqdır.