APA-ya açıqlamasında Baş Prokurorluğun mətbuat xidmətinin rəhbəri Eldar Sultanov qeyd edib ki, Azərbaycan Mətbuat Şurasından "Bizim dövr" və "Gündəm xəbər" qəzetlərinin fəaliyyətində insan, vətəndaş hüquq və azadlıqlarının pozulmasına şərait yaradan bir sıra qanun pozuntularına və sui-istifadə hallarına yol verilməsi, fiziki və hüquqi şəxslərin barəsində böhtan xarakterli olmaqla, onların şərəf və ləyaqətinə, işgüzar nüfuzuna xələl gətirən yazıların dərc olunması ilə əlaqədar müvafiq tədbirlər görülməsi üçün mayın 2-də Baş prokuror yanında Korrupsiyaya Qarşı Mübarizə İdarəsinə müraciət daxil olub. Hazırda müraciətdə göstərilən xüsusatların tam, hərtərəfli və obyektiv araşdırılması, qanuna müvafiq tədbirlərin görülməsi istiqamətində lazımi addımlar atılır.