Azərbaycan ilə Birləşmiş Ərəb Əmirlikləri arasında ticarət dövriyyəsində böyük inkişaf müşahidə olunur. Ölkələrimiz arasında ticarət əməliyyatlarının məbləği 2010-cu ildə əvvəlki illə müqayisədə 36,8 faiz, 2011-ci ilin birinci rübündə isə ötən ilin müvafiq dövrü ilə müqayisədə 9,9 faiz artmışdır. Çalışırıq ki, bu göstərici daha da artsın.
Bu sözləri Bakıda səfərdə olan BƏƏ-nin iqtisadiyyat naziri Sultan bin Səid əl Mənsouri demişdir.
Nazir bildirmişdir ki, BƏƏ Azərbaycana əməkdaşlıq üçün çox mühüm dövlətlərdən biri kimi baxır. Eyni zamanda, bu ölkəyə kapital qoyuluşu məsələləri ilə maraqlanırıq və Birləşmiş Ərəb Əmirliklərinin kapital qoya biləcəyi sahələr hazırda müzakirə olunur. Bu istiqamətdə turizm sektoru xüsusi əhəmiyyət daşıyır. BƏƏ turizm mərkəzi kimi beynəlxalq nüfuza malikdir. Biz oradan Azərbaycana da turistlərin gəlməsi məsələsini araşdırırıq.