Müsabiqə komissiyasından bildirmişlər ki, ədliyyə orqanlarında qulluğa qəbulla bağlı bu ilin əvvəlindən keçirilən sənəd qəbulu mayın 8-dək davam edəcəkdir.
Namizədlər onlara kömək məqsədi ilə hazırlanmış "Yaddaş kitabçası"nı mayın 11-dən etibarən iş günləri saat 9-dan 18-dək Azərbaycan Respublikası Ədliyyə Nazirliyinin inzibati binasında (Bakı şəhəri, İnşaatçılar prospekti 1) şəxsiyyət vəsiqələrini təqdim etməklə götürə bilərlər.
Qulluğa qəbulla əlaqədar keçiriləcək test imtahanının vaxtı və yeri, həmçinin "İmtahana buraxılış vərəqəsi"nin təqdim edilməsi barədə əvvəlcədən məlumat veriləcəkdir.
Əlavə məlumat almaq üçün nazirliyin internet səhifəsinə (www.justice.gov.az) və 430-01-18, 430-11-05 nömrəli telefonlarla müraciət etmək olar.{nl}

AzərTAc