"Biz bu məsələ ilə bağlı öz mövqeyimizi açıqlamışıq. Qaranlıq heç nə yoxdur. Yəqin ki, çox qısa zamanda hər şey öz yoluna qoyulacaq. Bundan problem yaradıb vəziyyətə siyasi rəng verməyə lüzum görmürük. Təəssüflər olsun ki, belə cəhdlərə rast gəlirik".
Bunu Müdafiə Nazirliyinin mətbuat xidmətinin rəisi, polkovnik-leytenant Eldar Sabiroğlu ABŞ-Azərbaycan birgə hərbi təliminin təxirə salınması ilə bağlı APA-nın sualına cavab olaraq deyib. Qeyd edək ki, 15-25 may tarixlərində "Regional cavab-2011" adı altında ABŞ - Azərbaycan birgə hərbi təlimləri keçirilməli idi.
E. Sabiroğlu Müdafiə Nazirliyinin siyasətlə məşğul olmadığını, yaxın zamanlarda təlimlərin keçiriləcəyi vaxt dəqiqləşəndən sonra bu barədə məlumat veriləcəyini açıqlayıb.{nl}