Aprelin 22-də Moskvada Azərbaycan, Rusiya və Ermənistanın xarici işlər nazirlərinin üçtərəfli görüşü keçiriləcəkdir.
Görüşdə Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələlər müzakirə ediləcəkdir.
Azərbaycanda neft hasilatının ildə 50-55 milyon ton səviyyəsində saxlanması münasibdir
Azərbaycanda neft hasilatı ildə 60-70 milyon tonadək artırıla bilər. Lakin bu, respublikada hasilatın səviyyəsinin sabit saxlanması baxımından məqsədəuyğun deyildir.
Bu fikri Azərbaycan Respublikası Dövlət Neft Şirkətinin birinci vitse-prezidenti, akademik Xoşbəxt Yusifzadə bildirmişdir. O, Azərbaycanda neft hasilatının ildə 50-55 milyon ton səviyyəsində saxlanmasının neftin respublikada istifadəsi, eləcə də "Azəri-Çıraq-Günəşli" yataqlar blokunun işlənməsinin səmərəliliyi və pul vəsaitlərinin xərci baxımından münasib olduğunu söyləmişdir.
"Azəri-Çıraq-Günəşli" yataqlar blokunun ehtiyatı 925 milyon ton neft və 280 milyard kubmetr qaz həcmində qiymətləndirilir.