Beynəlxalq Türk Mədəniyyət Təşkilatı - TÜRKSOY-un Ankaradakı baş ofisi aprelin 7-dən 9-dək Bakıda keçirilmiş Ümumdünya Mədəniyyətlərarası Dialoq Forumu ilə bağlı mətbuat üçün açıqlama yaymışdır.
Açıqlamada bildirlir ki, Forum TÜRKSOY üçün çox əlamətdar bir hadisə olmuşdur. Xüsusilə aprelin 8-də Ümumdünya Mədəniyyətlərarası Dialoq Forumu çərçivəsində İSESKO ilə TÜRKSOY arasında əməkdaşlıq haqqında protokolun imzalanması böyük əhəmiyyətə malikdir. Sənədi İSESKO-nun baş direktoru Əbdüləziz bin Osman əl-Tüveycri və TÜRKSOY-un baş katibi Düsen Kaseinov imzalamışlar. Bu sənəd TÜRKSOY-a üzv olan ölkələrlə İslam ölkələri arasında əməkdaşlığın daha da güclənməsinə təkan verəcəkdir.
Bu iki nüfuzlu təşkilat gələn il ərəb ölkələrində Novruz şənliklərinin keçirilməsi üçün birgə fəaliyyətlərə də başlayacaqdır.

Oqtay BAYRAMOV, AzərTAc-ın xüsusi müxbiri
Ankara