2011/2012-ci tədris ili üçün Azərbaycan Respublikasının ali məktəblərinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək üçün abituriyentlər aprelin 20-dən mayın 31-dək internet vasitəsilə elektron ərizələrini doldurmalı və tələb olunan sənədləri aprelin 27-dən mayın 31-dək müvafiq sənəd qəbulu komissiyalarına (SQK) təqdim etməklə ərizələrini təsdiqləməlidirlər. SQK-lar hər gün (şənbə, bazar və bayram günləri istisna olmaqla) saat 9-dan 17-dək fəaliyyət göstərəcəkdir. 
Tələbə Qəbulu üzrə Dövlət Komissiyasından bildirmişlər ki, elanda abituriyentlərin ərizələrini təsdiq etdirəcəkləri SQK-lar, onların ünvanları və tələb olunan sənədlər göstərilmişdir.

AzərTAc