V Beynəlxalq Xəzər neft-qaz, ticarət-nəqliyyat konfransının Bakıda keçirilməsi onu sübut edir ki, Azərbaycan müstəqil dövlət olmaqla yanaşı, bütün sahələrdə uğurlu siyasət aparır. 
Bu sözləri Milli Məclisin iqtisadi siyasət komitəsinin sədri, akademik Ziyad Səmədzadə demişdir. Bildirmişdir ki, Azərbaycanın təcrübəsi neft hasil edən ölkələrdə davamlı iqtisadi artımın olmaması fikrini təkzib edir. Son illərdə ölkəmizin iqtisadiyyatının sabit inkişafı belə deməyə əsas verir. Son yeddi ildə Azərbaycanda ümumi daxili məhsul üç dəfə artmışdır. Bu, neft hasil edən ölkələr arasında ən yüksək tempdir.