Aprelin 17-də paytaxtın Sahil bağında mitinq keçirəcəyini elan edən İctimai Palatanın mitinq komitəsinin üzvləri Asəf Quliyev (AXCP), Hüseyn Məlik (Müsavat), Əli Orucov (AMİP) və Fikrət Cəfərov (KXCP) aprelin 15-də Bakı Şəhər Baş Polis İdarəsinə dəvət olunublar.
Onları Bakı Şəhər Baş Polis İdarəsinin rəis müavini Yaşar Əliyev, Bakı şəhər prokurorunun müavini Qənimət Səfərov və paytaxt prokurorluğunun idarə rəisi Arif Pənahov qəbul edib.
Əli Orucov "Media forum" saytına açıqlamasında deyib ki, paytaxtın hüquq-mühafizə orqanlarının nümayəndələri İctimai Palatanın mitinqinin Bakı Şəhər İcra Hakimiyyətinin icazə verdiyi yerdə - Səbail rayonunun 20-ci sahə yaşayış massivində yerləşən sürücülük məktəbinin həyətindəki meydançada keçirilməsini təklif ediblər: "Onlar bildirdilər ki, meriyanın icazə vermədiyi yerdə mitinq keçirilməsinin qarşısı alınacaq və baş verənlərə görə təşkilatçılar məsuliyyət daşıyacaq.