Azərbaycan Respublikasının fövqəladə hallar naziri general-polkovnik Kəmaləddin Heydərov Macarıstanın Bakıdakı səfiri cənab Jolt Çutora ilə görüşmüşdür. 
Nazirlikdən bildirmişlər ki, görüşdə K.Heydərov FHN və onun qurumları, eyni zamanda, nazirlik tərəfindən həyata keçirilən, eləcə də nəzərdə tutulmuş layihələr, nüfuzlu beynəlxalq və regional təşkilatlarla, xarici dövlətlərin müvafiq qurumları ilə əməkdaşlığın genişləndirilməsi ilə bağlı görülən işlərdən danışmışdır.
Səfir görülmüş işləri yüksək qiymətləndirmiş, hər iki dövlətin müvafiq qurumları arasında, həmçinin, beynəlxalq təşkilatlar çərçivəsində əməkdaşlığın dərinləşməsi üçün birgə səylərin əhəmiyyətini qeyd etmişdir.

AzərTAc