Neçə illərdir ki, Müsavat Partiyasının üzvü idim. İndi görürəm ki, bu partiyanın rəhbərliyi Azərbaycan vətəndaşlarını, gənclərini dövlətçiliyə qarşı mübarizəyə çağırıb müstəqil respublikamıza ləkə gətirmək istəyir. 
Çiçəklənən respublikamızın inkişafına mane olan, düşmənlərimizin dəyirmanına su tökən Müsavat Partiyasının başqanı və funksionerlərinin antimilli hərəkətlərindən hiddətlənərək partiya üzvlüyündən imtina edirəm. Onlara bildirirəm ki, əsl azərbaycanlı xalqına, Vətəninə, millətinə qarşı çıxmaz. Hakimiyyətə seçkilər yolu ilə, sivil qaydada gəlmək ən düzgün variantdır. Xalq qeyri-konstitusion yolla hakimiyyətə gələnləri qəbul etmir. Əgər İsa Qəmbər xalqın etimadını qazana bilmirsə, sakitcə otursun evində. Dinc əhalini iğtişaşlar törətməyə çağıranlar qanun qarşısında cavab verməlidirlər. İnanırıq ki, hüquq-mühafizə orqanları əməkdaşları ölkədə qarşıdurma yaratmaq istəyənləri qonunla cəzalandıracaq. Biz bunu qətiyyətlə tələb edirik.

Pənah HƏSƏNOV, Şəki rayonu