Partiyalardan istefa verənlərin sayı isə 1024 nəfərə çatdı

SİA. "Səs" İnformasiya Agentliyi xəbər verir ki, radikal müxalifətin ictimai-siyasi sabitliyi pozmaq, ictimai həyatı iflic vəziyyətə salmaq cəhdlərinə etiraz əlaməti olaraq respublikanın daha 11 şəhər və rayonunda radikal müxalifət partiyalarının 13 yerli təşkilatı özünü buraxdığını bəyan edib.
Müsavat partiyasının Laçın, Lerik, Samux, AXCP-nin Xocalı, Şəmkir, AMİP-in Ağdaş, Balakən, İsmayıllı, Qusar, Laçın, Lerik, ADP-nin Şabran və Xalq partiyasının Şirvan rayon təşkilatı özlərini buraxıblar.
Ümumilikdə, son iki gündə respublikanın 30 şəhər və rayonunda radikal müxalifət partiyalarının 33 rayon təşkilatı özlərini buraxdıqlarını bəyan ediblər.
Aprelin 5-dən başlayaraq radikal müxalifət partiyalarının sıralarını kütləvi tərketmə halları bu gün də davam edir. Aprelin 12-də Müsavat, AXCP, AMİP və KXCP-nin ümumilikdə 31 üzvü təmsil olunduqları qurumların sıralarından çıxdıqlarını bəyan ediblər.
Xatırladaq ki, son 7 gündə Müsavat, AXCP, AMİP, KXCP, Ümid, ALP, ADP və Xalq partiyasının sıralarını tərk etmələri barədə 1024 nəfər bəyanat verib.

SİA