ATƏT-in fəaliyyətdə olan sədrinin şəxsi nümayəndəsinin mandatına uyğun olaraq aprelin 13-də qoşunların Azərbaycan Respublikasının Ağdam-Bərdə yolundakı təmas xəttində monitorinq keçiriləcəkdir. 
Müdafiə Nazirliyinin mətbuat xidmətindən bildirmişlər ki, monitorinqi Azərbaycan tərəfdə ATƏT sədrinin səhra köməkçiləri Xristo Xristov, Antal Herdiç və şəxsi köməkçisi Uilyam Praroy, qarşı tərəfdə isə ATƏT-in şəxsi nümayəndəsi Anjey Kasprşik, ofis əlaqələndiricisi İmre Palatinus və səhra köməkçisi Marius Puodziunas həyata keçirəcəklər.
ATƏT-in Minsk qrupunun həmsədrlərinin və ATƏT sədrinin şəxsi nümayəndəsinin işğal olunmuş ərazilərdən təmas xəttini keçərək Ağdam rayonunun Orta Qərvənd kəndinə gəlməsi nəzərdə tutulmuşdur. Məqsəd 9 yaşlı Fariz Bədəlovun həlak olması ilə əlaqədar araşdırmanı davam etdirməkdir.