Erməni separatçıları Ermənistan hökumətinin dəstəyi ilə Azərbaycanın Dağlıq Qarabağ regionunu və ətraf yeddi rayonunu nəzarət altında saxlamaqda davam edirlər.
AzərTAc ABŞ Dövlət Departamentinin rəsmi saytına istinadla xəbər verir ki, bu fikir qurumun 2010-cu ildə Ermənistanda insan hüquqlarının vəziyyəti ilə bağlı hesabatında əksini tapmışdır.
Hesabatda vurğulanır ki, Azərbaycan ilə sərhəddə və Dağlıq Qarabağ münaqişəsinin cəbhə xətti boyunca torpağa basdırılmış minalar ölüm hallarına səbəb olmaqda davam edir.
Bundan əlavə, hesabatda qeyd olunur ki, Ermənistanda insanların hüquq və azadlıqları kobud şəkildə pozulur.