2018-ci ilin birinci yarısında tikinti materialları sahəsində istehsal edilmiş məhsulun ümumi dəyəri 34,0 faiz artaraq 292,1 milyon manat təşkil edib.

Dövlət Statistika Komitəsindən bildirilib ki, hörmə üçün hazır beton qarışığının istehsalı 2,0 dəfə, tikinti əhənginin istehsalı 31,9 faiz, sementin istehsalı 25 faiz artıb.

Həmçinin tikinti kərpicinin istehsalı 9 faiz, tikinti gipsinin istehsalı 52 faiz, betondan yığma tikinti konstruksiyalarının istehsalı 60,2 faiz azalıb.

Vaqif BAYRAMOV,
“Xalq qəzeti”