Əlillər Quba və Xaçmaza istirahətə göndərilib

Əmək və Əhalinin Sosial Müdafiəsi Nazirliyi (ƏƏSMN) tərəfindən əlilliyi olan şəxslərin istirahətinin təşkili işləri davam edir. Fiziki məhdudiyyətləri olan şəxslərdən daha 150 nəfəri xüsusi ayrılmış nəqliyyat vasitəsi ilə Quba və Xaçmaz rayonlarındakı istirahət mərkəzlərinə göndərilib.

ƏƏSMN yanında Dövlət Sosial Müdafiə Fondunun Sosial xidmətlər və proqramlar şöbəsinin müdiri Vüqar Behbudov bildirib ki, “2018-ci ildə əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası Proqramı”nda əlilliyi olan şəxslərin asudə vaxtlarının təşkili tədbirləri də yer alıb. Proqrama əsasən, 1100 nəfərdən çox əlilliyi olan şəxsin bu yay mövsümündə respublikanın müxtəlif yerlərindəki istirahət mərkəzlərində istirahətinin təşkil edilməsi nəzərdə tutulub. Onlardan artıq 800 nəfərdən çoxu Quba, Lənkəran, Xaçmaz rayonlarındakı istirahət mərkəzlərinə yola salınıb.

V.Behbudov qeyd olunan Proqrama əsasən əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası, onların cəmiyyətə inteqrasiyası  yönündə digər istiqamətlərdə də müvafiq işlərin aparıldığını diqqətə çatdırıb. 

Əlilliyi olan şəxslərdən 90 nəfəri Xaçmaz rayonu, 60 nəfəri isə Quba rayonundakı istirahət mərkəzlərinə göndərilib.

 

 

Z. BƏŞİRQIZI,
“Xalq qəzeti”


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında