Qarabağ uğrunda gedən döyüşlərdə iştirak edəndə 25-26 yaşlarında bir gənc idim. Qəlbimdə özgə torpağına göz dikən ermənilərə sonsuz nifrətim vardı. Mən onda heç bir partiyanın üzvü deyildim. Çox təəssüf edirəm ki, təxminən bir il əvvəl Klassik Xalq Cəbhəsi Partiyası Yevlax şöbəsinin üzvü oldum.
Bu günlərdə televiziya ilə 2 apreldə icazəsiz keçirilən mitinqdən görüntülərə baxdım və utandım. Xüsusilə, şəhərin mərkəzində ticarət obyektlərinin pəncərələrinin qırılması, bununla da insanlara ziyan vurulması, istirahət günündə şəhər sakinlərinə yaşadılan həyəcan və narahatlıq məni qəzəbləndirdi.
Bu hakimiyyət hərislərinin iğtişaşlar yaratmaqda, ölkə paytaxtının mərkəzində asayişi pozmaqda məqsədi Azərbaycanı beynəlxalq aləmdə nüfuzdan salmaq, öz iyrənc istəklərini həyata keçirməkdir. Etirazımı üzvü olduğum partiyadan çıxmaqla bildirməyi qərara aldım.

Teyyub DADAŞOV, KXCP Yevlax təşkilatının sabiq üzvü