Özlərini radikal müxalifət adlandıranların son günlər yaratmağa çalışdıqları hərc-mərclik və siyasi şouları televiziya vasitəsilə həyəcanla izlədik. Aprelin 2-də Bakı şəhərində Fəvvarələr meydanında keçirilən icazəsiz aksiya bizdə qəzəb və təəssüf hissləri doğurdu.
Biz Milli İstiqlal Partiyasının üzvüyük. Bu partiyanın da qatıldığı belə şoular, gənclərin beynini zəhərləyən, onları düz yoldan sapdırmaq istəyi ilə düzənlənən piket və aksiyalar bizdə acı peşmanlıq duyğuları yaratdı. Buna görə də rəsmi surətdə bəyanat verərək, müxalifətçilərlə bütün mənəvi bağları aradan götürürük.
Bir daha radikal müxalifətçilərin həyata keçirdiyi rüsvayçı şoulara nifrətlə "yox!" deyirik. Belə iyrənc işlərə cəlb olunanları dərindən düşünməyə çağırırıq . Gəlin, gözəl, inkişaf etmiş bir ölkədə yaşadığımızın qədrini bilək və əldə etdiklərimizi qoruyub saxlayaq.

Şaiq SARIYEV, Şəfaqət ƏLİZADƏ, AMİP Yevlax təşkilatının sabiq üzvləri