Aprelin 7-dən 10-dək Ankarada NATO-nun Sülh və təhlükəsizlik elmi proqramının dəstəyi, Orta Doğu Texniki Universiteti (ODTU) və Qırğızıstanın Manas Universitetinin birgə təşəbbüsü ilə "NATO, Əfqanıstanda beynəlxalq terrorizmə qarşı mübarizə və 11 sentyabr tarixindən sonra Orta Asiya regionunda təhlükəsizlik mühiti" mövzusunda konfrans keçiriləcəkdir.
Azərbaycan Respublikasının Prezidenti yanında Strateji Araşdırmalar Mərkəzindən bildirmişlər ki, qurumun elmi işçisi Zaur Şiriyev konfransda "ABŞ-ın Əfqanıstana müdaxiləsindən sonra Xəzər hövzəsinin təhlükəsizlik mühitinə Azərbaycanın baxışı" mövzusunda məruzə ilə çıxış edəcəkdir.
Tədbirdə Türkiyənin, Avropa ölkələrinin və Orta Asiyanın təhlükəsizlik məsələləri üzrə nüfuzlu ekspertlərinin iştirakı ilə fikir mübadiləsi aparılacaq, məruzələr daha sonra kitab şəklində çap olunacaqdır.

AzərTAc