Biz Azərbaycanın müstəqilliyi uğrunda mübarizədə xalq hərəkatında təmsil olunmuşuq. Bu gün müstəqil Azərbaycan uğurla inkişaf edir. Xalqımız əmin-amanlıq, firavanlıq şəraitində yaşayır. Lakin bir qrup radikal müxalifətçi, o cümlədən Əli Kərimli, İsa Qəmbər və onların yaxın ətrafı yenidən ölkədə xaos, anarxiya yaratmaq, 1991-1992-ci illərə qayıtmaq niyyətinə düşüblər. Biz onların bu antiAzərbaycan hərəkətlərinə etiraz edirik.
Biz 11-12 mart və 2 aprel 2011-ci il tarixlərdə AXCP sədri Əli Kərimlinin ölkəmizdə qardaş qırğını salmağa yönələn hərəkətlərini qətiyyətlə pisləyirik. Onların bizə düşmən mövqedə olan xarici havadarlarının təhriki ilə gənclərimizi iğtişaşlara səsləməsi bizi hiddətləndirir. Əli Kərimlinin ölkəmizdəki ictimai sabitliyi pozmağa yönəlmiş bu hərəkətlərinə etiraz əlaməti olaraq, biz onun sədr olduğu partiya sıralarından istefa verdiyimizi bəyan edirik.
Rasim Nemətov, Eynulla Quliyev, Əhməd Salmanov, Zərdab rayonu, sabiq AXCP üzvləri