Azərbaycan Mərkəzi Bankının təşkilatçılığı ilə Bakıda bank nümayəndələri üçün "Ödəniş kartları üzrə fırıldaqçılığa qarşı mübarizə" mövzusunda seminar keçirilmişdir.
Seminarda "Visa Inc." Şirkətinin departament rəhbəri İnqo Noka və Cənub-Şərqi Avropa ölkələri üzrə risk meneceri Zan Jovanovski iştirak etmişlər.
Seminarda Visa Qlobal Ödəniş Sisteminin risk strategiyası, ödəniş kartları ilə fırıldaqçılıq hallarına qarşı təhlükəsizlik tədbirlərinin görülməsi, Azərbaycanda ödəniş kartları bazarında yaranan risklərin planlaşdırılması haqqında ətraflı məlumat verilmişdir. Müzakirələr zamanı ödəniş kartı üzrə məlumatların oğurlanması, yeni texnologiya və çatdırma sistemləri vasitəsilə fırıldaqçılığın qarşısının alınması kimi məsələlərə də toxunulmuş və bu istiqamətlərdə mövcud beynəlxalq təcrübə müzakirə olunmuşdur.