Yaponiya hökuməti bu ölkədə baş vermiş təbii fəlakətin nəticələrinin aradan qaldırılması ilə əlaqədar göstərdiyi dəstəyə görə Azərbaycan Prezidentinə təşəkkür etmişdir. 
Bu barədə Yaponiya Xarici İşlər Nazirliyinin saytında rəsmi məlumat yerləşdirilmişdir. Məlumatda deyilir ki, ölkə hökuməti Azərbaycan dövlətinin, xalqının Yaponiyaya olan həmrəyliyini və yardımını yüksək qiymətləndirir.
Minnətdarlıq hissi ilə xatırladılır ki, Azərbaycan hökuməti Yaponiyanın Qırmızı Xaç Cəmiyyəti vasitəsilə Tohoku-Sakit Okeanında baş vermiş zəlzələyə görə 1 milyon dollar (təxminən 80 milyon yen) maliyyə yardımı ayırmış, Prezident İlham Əliyev çoxsaylı insan tələfatı ilə bağlı İmperator Əlahəzrət Akihitoya başsağlığı vermişdir.

AzərTAc