Azərbaycanda İxracın və İnvestisiyaların Təşviqi Fondunun (AZPROMO) vitse-prezidenti Yusif Abdullayevin sözlərinə görə, Azərbaycanda narın məhsuldarlığının artırılmasına ciddi ehtiyac duyulur. Bu sahədə güclü potensial var. Məsələn, İsraildə nar cəmi 2200 hektar sahədə yetişdirilir, məhsuldarlıq isə 60 min tonu ötür. Azərbaycanda da məhsuldarlığı artırmaq lazımdır. Fermerlər və istehsalçılar fəal şəkildə subsidiyalar və güzəştlər üçün müraciət etməlidir.

Nar İstehsalçıları və İxracatçıları Assosiasiyasının sədri Fərhad Qaraşov isə  qeyd edib ki, nar və nar məhsulları istehsalçıları keyfiyyətli məhsul istehsal etməklə bu sahədə ixrac potensialını artırmalıdır: “Qeyd edim ki, Azərbaycan istehsalı olan nar məhsulları Avstraliyadan Kanadayadək müxtəlif ölkələrə ixrac olunur. Bu, nar şirəsi, narşərab və digər məhsullardır”.

Vaqif BAYRAMOV,
“Xalq qəzeti”