Aprel ayının 7-dən 9-dək Bakıda Dünya Mədəniyyətlərarası Dialoq Forumu keçiriləcəkdir
Mədəniyyət və Turizm Nazirliyi aparatının rəhbəri Firudin Qurbanov bildirmişdir ki, bu forum Azərbaycanın nüfuzunun dünya məkanında necə yüksək olduğunu bir daha sübut edir. Belə bir tədbirin dünyada ilk dəfə Azərbaycanda keçirilməsi həm də onu göstərir ki, artıq Bakı dünya mədəniyyət paytaxtlarının birinə çevrilmişdir.
F.Qurbanov qeyd etmişdir ki, nazirlik forumda iştirak etmək üçün bir sıra ölkələrin əlaqədar qurumlarına dəvət göndərmişdir.
Tədbirdə bəzi ölkələrin dövlət başçılarının da iştirak edəcəyi gözlənilir.