Azərbaycan Respublikasının BMT yanında Daimi Nümayəndəliyindən daxil olmuş məlumatda bildirilir ki, Birləşmiş Millətlər Təşkilatının mənzil-qərargahında Beynəlxalq Türk Mədəniyyətləri Təşkilatının (TÜRKSOY) təşkilatçılığı ilə Beynəlxalq Novruz Günü münasibətilə konsert olmuşdur. Konsertdən əvvəl BMT Baş Assambleyası 65-ci sessiyasının Prezidenti, Türkiyə Parlamentinin sədri və TÜRKSOY-un baş katibi çıxış etmişlər. Konsertdə Azərbaycanın incəsənət ustaları Gülyanaq Məmmədova, Ehtiram Hüseynov, Azərbaycan Dövlət Rəqs Ansamblı çıxış etmişlər. Tamaşaçılar həmvətənlərimizin çıxışlarını heyranlıqla izləmiş və onları ayaq üstə alqışlamışlar. 
Konsertdə Azərbaycanla yanaşı, Qazaxıstan, Türkiyə, Türkmənistan, Özbəkistan, Qırğızıstan, Başqırdıstan, Xakasiya və Tuva (Rusiya Federasiyası), Qaqauz (Moldova) və Krımdan (Ukrayna) olan incəsənət ustaları çıxış etmişlər.

AzərTAc