Azərbaycan Respublikası Konstitusiya Məhkəməsi Palatasının növbəti iclasları keçirilmişdir. 
Konstitusiya Məhkəməsinin mətbuat xidmətindən bildirmişlər ki, Palata Azərbaycan Respublikası Konstitusiyasının 130-cu maddəsinin IV hissəsinə və "Konstitusiya Məhkəməsi haqqında" Qanunun 7.2-ci maddəsinə əsasən, Azərbaycan Respublikası Prokurorluğunun Azərbaycan Respublikası Cinayət Məcəlləsinin 177.2.3-cü maddəsi ilə bağlı sorğusuna və Bakı Apellyasiya Məhkəməsinin Azərbaycan Respublikası Cinayət Prosessual Məcəlləsinin 26-cı və 96-cı maddələri ilə bağlı müraciətinə baxaraq Konstitusiya Məhkəməsinin icraatına qəbul edilməsi haqqında qərardad çıxarmışdır.
Konstitusiya Məhkəməsi Plenumunun aprelin 5-nə təyin edilmiş iclasında Bakı Apellyasiya Məhkəməsinin müraciətinə, aprelin 15-də isə Azərbaycan Respublikası Prokurorluğunun sorğusuna baxılacaqdır.