İmişli rayonunun Rəsullu kəndində səyyar qəbul keçirilib. Qeyd edək ki, Rəsullu kəndinin sakinlərinin əsas məşğuliyyəti əkinçilik və heyvandarlıqdır. Qəbulda  əvvəlcə rayonda həyata keçirilən məqsədyönlü  tədbirlər  barədə məlumat verilib.

İmişli rayon icra hakimiyyətinin başçısı Vilyam Hacıyev çıxış edərək dövlət başçısının regionların inkişafına göstərdiyi qayğıdan danışıb. Bildirib ki, son illər İmişli rayonunda uğurlu işlər görülür. Belə ki, rayonda kəndlərin qazlaşdırılması davam etdirilir. Kənd yolları abadlaşdırılır.

Tədbirdə  çıxış edən Rəsullu kənd sakinləri  öz növbəsində onlara göstərilən qayğıya görə dövlət başçısına minnətdarlıq ediblər. Görüşdə sakinlər tərəfindən qaldırılan müraciət və təkliflər dinlənilib,  aidiyyatı qurumlara və xidmət təşkilatlarına konkret tapşırıqlar verilib.

Səməd HÜSEYNOĞLU,

“Xalq qəzeti”nin bölgə müxbiri