İspaniyanın Azərbaycanda yeni təyin olunmuş səfiri Kristobal Qonzales-Alleri fövqəladə hallar naziri general-polkovnik Kəmaləddin Heydərovla görüşmüşdür.
FHN-dən bildirmişlər ki, görüşdə fövqəladə hallar sahəsində iki ölkənin müvafiq qurumları arasında əməkdaşlığın perspektivləri müzakirə edilmişdir.
K. Heydərov nazirliyin fəaliyyəti barədə qonağa ətraflı məlumat vermiş, fövqəladə hallar sahəsində əməkdaşlıq imkanlarını yüksək qiymətləndirmişdir.
Səfir İspaniyanın Azərbaycanla əlaqələrin bütün sahələrdə inkişaf etdirilməsində maraqlı olduğunu vurğulamışdır.
Görüşdə qarşılıqlı maraq doğuran digər məsələlər ətrafında fikir mübadiləsi aparılmışdır.