Bakıda səfərdə olan Koreya Respublikası Milli Assambleyasının üzvü Sanq Dikin başçılıq etdiyi nümayəndə heyəti aprelin 28-də Fəxri Xiyabana gəlmişdir.
Koreyalı qonaqlar müasir Azərbaycan dövlətinin memarı və qurucusu Heydər Əliyevin məzarı önünə əklil qoymuş, ulu öndərin xatirəsinə ehtiramlarını bildirmişlər.
Görkəmli oftalmoloq-alim, akademik Zərifə xanım Əliyevanın da xatirəsi ehtiramla yad olunmuşdur.
Qonaqlar Şəhidlər Xiyabanında Azərbaycanın azadlığı və müstəqilliyi uğrunda mübarizədə canlarından keçmiş qəhrəman Vətən övladlarının məzarlarını ziyarət etmiş, "Əbədi məşəl" kompleksi önünə əklil qoymuşlar.
AzərTAc{nl}