Polşa Azərbaycanla dostluğun və qarşılıqlı faydalı əlaqələrin inkişaf etdirilməsində həmişə maraqlı olmuşdur və indi də buna maraq göstərir. Polşa Azərbaycanın simasında yaxın və etibarlı tərəfdaş tapmışdır.
Bu fikirlər Polşanın Azərbaycandakı səfiri Mixail Labendanın bəyanatında əks olunmuşdur. Səfirin bəyanatı diplomatik korpusun informasiya bülleteninin birinci buraxılışında dərc edilmişdir.
İki ayda bir dəfə nəşr edilməsi nəzərdə tutulan informasiya bülleteni siyasət, iqtisadiyyat və mədəniyyət sahəsində xəbərləri əks etdirəcəkdir.