Cənab İlham Əliyevin prezident seçkilərində böyük üstünlüklə qələbəsi münasibəti ilə bağlı Abşeron rayonunda bayram konsert-mitinqi, möhtəşəm avtomobil yürüşü və atəşfəşanlıq olmuşdur.

Abşeronda seçki məntəqələrinin bağlanışından sonra, səsvermənin yekunu olaraq “İlhamla irəli”, “İlhamla davam”, “Yaşasın Azərbaycan”, “Daha güclü Azərbaycan” şüarları ilə yürüş və bayram konsert-mitinqi keçirildi.

Yeni Azərbaycan Partiyası (YAP) Abşeron rayon təşkilatının sədri Bilman Vəliyev çıxış edərək “Hər zaman hər yerdə sizinləyik, cənab Prezident!”, “Bizim gücümüz birliyimizdədir!”, “İlhamla irəli”, “Xalqın səsi-cənab İlham Əliyevin qələbəsidir”, “Cənab İlham Əliyev hər bir Azərbaycan vətəndaşının Prezidentidir” şüarları səsləndirərək bayram münasibətilə tədbir iştirakçılarını təbrik etmişdir

Əllərində Azərbaycanın və Yeni Azərbaycan Partiyasının bayraqlarını dalğalandıran mitinq iştirakçıları birlik və həmrəylik şüarları səsləndirdilər. Abşeron sakinləri alqış sədaları ilə Yeni Azərbaycan Partiyasının qələbəsini qeyd etdilər.

Daha sonra tədbir tanınmış incəsənət xadimlərinin ifasında konsert proqramı ilə davam edib.

 

Səməd HÜSEYNOĞLU,

“Xalq qəzeti”nin bölgə müxbiri