Meksikanın Azərbaycandakı səfiri Rodriqo Labardini regionlararası əlaqələrin inkişafını müzakirə etmək məqsədi ilə İmişli rayonuna səfər etmişdir. Səfir Rodriqo Labardini və İmişli Rayon İcra Hakimiyyətinin başçısı Vilyam Haciyev  Heydər Əliyev Mərkəzi ilə tanış olmuş və səfərin məqsədi barədə müzakirələr aparılmışdır.

Müzakirə zamanı icra başçısı Vilyam Hacıyev kənd təsərrüfatının potesialından, ölkədə qeyri-neft sektorunun inkişafından və pambıqçılığın inkişaf etdirlilməsinin üstünlüyü barədə danışmışdır.

Səfir Rodriqo Labardini isə Meksika barədə məlumat verib və rəhbərlik etdiyi diplomatik nümayəndəliyin fəaliyyətindən söz açmışdır.Qeyd edib ki, səfirlik regionlararası əlaqələrin gücləndirilməsini vacib və zəruri sayır. Məhz bunun üçün diplomatik missiyanın tədbirləri yalnız paytaxtda deyil, ölkənin digər rayon və şəhərlərində keçirilir. Diplomat ölkənin ən çox inkişaf etmiş sektorlardan biri olan Meksikanın kənd təsərrüfatından da danışıb.

Səfər çərşivəsində səfir Rodriqo Labardini İmişli şəkər zavoduna,  İmişli pambıq təmizləmə zavoduna və “ARAZ-KO” LTD istxana kompleksinə baxış keçirmiş və İmişli rayonunda hansı sahələr üzrə iş görülməsi barədə  işgüzar söhbətlər aparılmışdır.

Səməd HÜSEYNOĞLU,
“Xalq qəzeti”nin bölgə müxbiri