"ATƏT məkanında həlli uzadılmış münaqişələrin, o cümlədən Dağlıq Qarabağ probleminin nizamlanması istiqamətində səylər artırılmalıdır".
Bu sözləri ATƏT-in fəaliyyətdə olan sədri, Litvanın xarici işlər naziri Audronyus Ajubalis ABŞ-ın dövlət katibi Hillari Klinton ilə görüşündə demişdir.
A.Ajubalis bildirmişdir ki, bu məsələ Litvanın ATƏT-də sədrliyi dövründə əsas prioritet istiqamətlərdən biri olacaqdır. Dağlıq Qarabağ və ona bitişik rayonlarda gərginliyin azaldılmasında, münaqişənin sülh yolu və əldə olunmuş razılıqlar əsasında həll edilməsində ATƏT-in Minsk qrupunun həmsədrlərinin fəal iştirakı vacib məsələdir.