ABŞ Dövlət Departamentinin rəsmisi Filipp Krouli bildirmişdir ki, ABŞ Türkiyə, Azərbaycan və Ermənistan arasında problemlərin həlli istiqamətində səyləri davam etdirəcəkdir.
Birləşmiş Ştatların gələcəkdə bu istiqamətdə hansı addımlar atacağını da gözdən keçirdiyini deyən F.Krouli Ermənistan prezidenti Serj Sarkisyanın Türkiyə ilə normallaşma prosesinin tənəzzül etdiyi ilə bağlı bəyanatına da münasibət bildirmişdir. Dövlət Departamentinin rəsmisi vurğulamışdır ki, ABŞ-ın dövlət katibi bu prosesi dəstəkləmək üçün çoxlu səylər göstərmişdir. Lakin müəyyən dövrlərdə məlum olmuşdur ki, bu prosesin irəliləməsində maneələr mövcuddur. Biz Türkiyə, Azərbaycan və Ermənistanı təşviq etməkdə davam edəcəyik və irəliləmək üçün yollar axtarırıq.

Oqtay BAYRAMOV AzərTAc-ın xüsusi müxbiri
Ankara