İran Azərbaycan ilə dostluq əlaqələrinin daha da möhkəmləndirilməsinin tərəfdarıdır. Bakıda iki ölkənin parlamentləri arasında bu əməkdaşlığın genişləndirilməsinə dair görüşlər keçirəcək, bir sıra məsələləri müzakirə edəcəyik.
Bunu jurnalistlərə müsahibəsində ölkəmizdə səfərdə olan İran İslam Respublikası İslam Şurası Məclisinin İran-Azərbaycan parlamentlərarası dostluq qrupunun üzvlərindən ibarət nümayəndə heyətinin rəhbəri Seyid Kazım Musəvi demişdir.
Qonaq qeyd etmişdir ki, İran Dağlıq Qarabağ münaqişəsinin Azərbaycanın ərazi bütövlüyü çərçivəsində, sülh yolu ilə həllini istəyir. Hesab edirik ki, region ölkələri kənardan müdaxilə olmadan problemin həllinə qadirdirlər.{nl}