Litva Seymi Ermənistan-Azərbaycan, Dağlıq Qarabağ münaqişəsi ilə bağlı xüsusi qətnamə layihəsi hazırlamışdır. Qətnamə Seymin yaz sessiyasının mart ayında keçiriləcək iclasında müzakirə olunacaqdır.
Bunu Azərbaycanda rəsmi səfərdə olan Litva Seyminin sədri xanım İrena Dequtiene fevralın 8-də Milli Məclisin sədri Oqtay Əsədovla görüşdə bildirmişdir.
İrena Dequtiene demişdir: "Biz sizin problemlərinizi yaxşı başa düşürük. 1990-cı ildə, demək olar ki, eyni taleyi yaşamışıq. Mən bir daha bəyan edirəm ki, Litva Azərbaycanın ərazi bütövlüyünü dəstəkləyir. Seymin qış sessiyasında Dağlıq Qarabağla bağlı məsələ müzakirə olunmuş və qətnamə layihəsi parlamentimizin yaz sessiyasının gündəliyinə daxil edilmişdir. Mart ayında biz bu məsələni müzakirə edərək müvafiq münasibət bildirəcəyik".

AzərTAc