Litva ATƏT-də sədrlik dövründə həlli uzadılmış münaqişələrin nizamlanmasına, əsasən də Dağlıq Qarabağ məsələsinin həlli istiqamətində müsbət nəticələrin əldə olunmasına çalışacaqdır.
Bu sözləri ATƏT sədrinin münaqişələr üzrə xüsusi nümayəndəsi Qedryus Çyakuolis demişdir.
Q.Çyakuolis bildirmişdir ki, Dağlıq Qarabağ münaqişəsinin nizamlanmasına dair danışıqlar prosesi ATƏT-in Minsk qrupu çərçivəsində olmalıdır. Əsas məqsəd münaqişənin sülh yolu ilə həllinə kömək edəcək dialoq və əlaqələr üçün sabit şərtlərin formalaşdırılmasıdır. Məsələnin həll edilməsi Cənubi Qafqaza sülh və sabitlik gətirəcəkdir.
AzərTAc{nl}