Polşanın Xarici İşlər Nazirliyi Azərbaycanın işğal olunmuş ərazilərinə səfər etmək istəyən vətəndaşlarına xəbərdarlıq etmişdir.
Xəbərdarlıqda deyilir: "Nəzərinizə çatdırırıq ki, beynəlxalq hüquqa əsasən, Dağlıq Qarabağ Azərbaycan Respublikasının tərkib hissəsidir. Azərbaycan hökumətinin razılığı olmadan işğal edilmiş ərazilərə səfər Azərbaycan Respublikasının dövlət sərhədini qanunsuz keçmə kimi qiymətləndiriləcəkdir".
Xatırladaq ki, keçən il dekabrın 19-da Avropa Parlamentinin üzvü, Polşanın vətəndaşı Tomaş Poreba Ermənistanın silahlı qüvvələri tərəfindən işğal olunmuş Dağlıq Qarabağa Azərbaycanın razılığı olmadan səfər etmişdir. Avropalı parlamentarinin bu addımı Azərbaycanda narazılıqla qarşılanmışdır. Azərbaycan Xarici İşlər Nazirliyi bununla bağlı Avropa İttifaqı və Polşa Respublikasına nota təqdim etmişdi.
AzərTAc{nl}