"ABŞ Dövlət Departamenti Azərbaycandan gedən narazılıqlara reaksiyasını normal qəbul edir, Dağlıq Qarabağ məsələsində onların sona qədər obyektiv olacağına inanırıq. Ümid edirik və düşünürük ki, hər halda Azərbaycandakı bu ictimai təpkilər də ABŞ-ın dövlət siyasətini planlaşdırma mərkəzlərinə müəyyən təsir göstərdi".
Bunu Prezident Administrasiyasının ictimai-siyasi məsələlər şöbəsinin müdiri Əli Həsənov jurnalistlərə açıqlamasında ABŞ Dövlət Departamentinin Azərbaycanın narazılıqlarına münasibətini şərh edərkən demişdir.
Şöbə müdiri bildirmişdir ki, Azərbaycan ABŞ-la münasibətləri korlamaq istəmir: "Biz ABŞ-la tərəfdaşlıq münasibətlərimizə xələl gətirmək istəmirik. Amma təəssüflər olsun ki, bəzən şərait buna məcbur edir. Biz ümid edirik ki, ABŞ əvvəllər olduğu kimi, Azərbaycanla bağlı öz sağlam, tərəfdaşlıq mövqelərini yenə də qoruyub saxlayacaqdır. Biz də buna müvafiq olaraq, bu ölkənin maraqları ilə bağlı bütün öhdəliklərimizi yerinə yetirəcəyik".
AzərTAc{nl}