ABŞ Dövlət Departamentinin sözçüsü Filipp Krouli dekabrın 21-də Amerika Konqresinin Nümayəndələr Palatasında gündəmə çıxarılacağı ehtimal edilən qondarma "erməni soyqırımı" haqqında qətnaməyə qarşı oduqlarını və bunu açıq şəkildə dilə gətirdiklərini xatırladaraq, palata ilə bu məsələ üzrə təmasda olduqlarını bildirmişdir.
F.Krouli ənənəvi keçirilən mətbuat konfransında demişdir: "Qətnaməyə qarşı olduğumuzu açıq şəkildə bildirmişik. Bu məsələ ilə bağlı Nümayəndələr Palatası ilə təmasdayıq".
Daha sonra "ABŞ-ın dövlət katibi Hillari Klinton qətnamənin gündəmə gətirilməməsini söyləmək üçün Nümayəndələr Palatasının sədri Nensi Pelosi və ya palatadakı digər rəsmilərlə görüşübmü?" sualına cavab verən F.Krouli əlaqə quran şəxsin dövlət katibi H.Klinton olub-olmadığını söyləyə bilməyəcəyini bildirmişdir. Lakin o Nümayəndələr Palatası ilə təmasda olduqlarını bir daha vurğulamışdır.
AzərTAc{nl}