İndoneziya ilə Azərbaycan arasında çox yaxşı əlaqələr vardır. Biz bu əməkdaşlığın daha da möhkəmləndirilməsini istəyirik.
Azərbaycanda səfərdə olan İndoneziya Parlamenti Nümayəndələr Palatası sədrinin müavini Pramono Anunq Vibovo jurnalistlərə müsahibəsində demişdir ki, bu məqsədlə qısa vaxt ərzində İndoneziyanın Azərbaycanda səfirliyinin açılması üçün işləri intensivləşdirəcəyik.
Xalqlarımız arasında ortaq dəyərlərin olduğunu vurğulayan qonaq qeyd etmişdir ki, İndoneziya bütün sahələrdə, xüsusilə Dağlıq Qarabağ münaqişəsinin həllində Azərbaycanın haqlı mövqeyini dəstəkləyir.
Nümayəndə heyətinin başçısı bildirmişdir ki, hər iki ölkənin iqtisadi sahədə birgə həyata keçirdiyi layihələr vardır. Zəngin təbii sərvətlərə malik ölkələrimiz arasında gələcəkdə belə layihələrin sayının artırılması çox zəruridir.
AzərTAc{nl}