Azərbaycan Respublikası Xarici İşlər Nazirliyinin mətbuat xidmətindən bildirmişlər ki, dekabrın 17-də nazir Elmar Məmmədyarov ölkəmizdə səfərdə olan Türkdilli Ölkələrin Əməkdaşlıq Şurasının baş katibi Xəlil Akınçı ilə görüşmüşdür.
Qonaq başçılıq etdiyi qurumun fəaliyyəti və gələcək planları haqqında ətraflı məlumat vermişdir.
E.Məmmədyarov türkdilli ölkələr arasında ikitərəfli və çoxtərəfli əlaqələrin, mövcud həmrəyliyin möhkəmləndirilməsinin Avrasiya regionundakı əməkdaşlığı daha da dərinləşdirəcəyinə əminliyini ifadə etmişdir.
Azərbaycanın xarici siyasət idarəsinin rəhbəri X.Akınçıya işlərində uğurlar arzulamışdır.
AzərTAc{nl}