Azərbaycan Respublikası Xarici İşlər Nazirliyinin mətbuat xidmətindən bildirmişlər ki, dekabrın 11-də nazir Elmar Məmmədyarov bir günlük işgüzar səfərlə Türkmənistana yola düşmüşdür.
Nazir Aşqabad şəhərində keçiriləcək Türkmənistanın bitərəfliyinin 15 illiyinə həsr olunmuş "Türkmənistanın daimi bitərəfliyi - sülh, inkişaf və təhlükəsizlik naminə əməkdaşlıq" adlı beynəlxalq konfransda iştirak edəcəkdir. Tədbirdə bir sıra beynəlxalq təşkilatların rəhbərlərinin və xarici qonaqların iştirakı gözlənilir.
Səfər çərçivəsində nazir E.Məmmədyarovu Türkmənistan Prezidenti Qurbanqulu Berdiməhəmmədov qəbul etmişdir. Görüşdə iki ölkə arasında olan münasibətlər və digər məsələlər ətrafında fikir mübadiləsi aparılmışdır.
AzərTAc{nl}