Azərbaycan torpaqlarını azad etmək üçün onun ixtiyarında olan və beynəlxalq hüququn ona imkan verdiyi bütün addımlardan istifadə edəcəkdir. Artıq həmsədr ölkələrin hər üçü Dağlıq Qarabağ münaqişəsinin həllində gecikmələrdən, mövcud problemin uzanmasından narahat olduqlarını bildirmişlər.
Bu sözləri Prezident Administrasiyasının ictimai-siyasi məsələlər şöbəsinin müdiri Əli Həsənov jurnalistlərə açıqlamasında söyləmişdir.
Ə.Həsənov demişdir ki, Ermənistanın qeyri-konstruktiv mövqeyi Dağlıq Qarabağ münaqişəsinin həlli məsələsinin müəyyən qədər çətinləşməsinə səbəb olmuşdur. Ermənistanın son dövrlər nümayiş etdirdiyi mövqe, işğal olunmuş ərazilərdə qeyri-qanuni məskunlaşmanı davam etdirməsi, Azərbaycanın şəhər və kəndlərinin tarixi adlarının dəyişdirilməsi cəhdləri, separatçı rejimlərlə bağlı Ermənistan parlamentinin qəbul etdiyi biabırçı qərar və digər məsələlər bunu deməyə əsas verir. Ermənilərin bu cür hərəkətləri BMT və ATƏT-in münaqişəni həll etmək cəhdlərinə meydan oxumaqdır.
Ermənistanın qeyri-konstruktiv mövqeyinin danışıqların müəyyən mənada dalana dirənməsinə səbəb olduğunu bildirən Əli Həsənov əlavə etmişdir ki, işğalçı dövlətin bu addımlarının hansı sonluqla yekunlaşacağını proqnozlaşdırmaq çətindir. Azərbaycan bu vəziyyətə çox dözməyəcəkdir. Bundan sonra danışıqların nəticəsizliyi müəyyənləşdirilsə, digər addımlar atılacaqdır.{nl}