Azərbaycanın Xarici İşlər Nazirliyinin mətbuat xidmətindən bildirmişlər ki, dekabrın 6-da nazir Elmar Məmmədyarov Macarıstanın ölkəmizdə yeni təyin olunmuş səfiri Yolt Çutora ilə görüşmüşdür.
Etimadnamənin surətini nazirə təqdim edən Y.Çutora ölkəmizdə səfir təyin olunmasından məmnunluğunu ifadə etmişdir. Ölkələrimiz arasında bir sıra sahələrdə əməkdaşlığın inkişaf etdirilməsi üçün geniş potensialın olduğunu vurğulayan səfir Macarıstan-Azərbaycan əlaqələrinin dərinləşməsi istiqamətində çalışacağını bildirmişdir.
Nazir E.Məmmədyarov ölkəmizdə səfir təyin olunması münasibətilə macarıstanlı diplomatı təbrik etmiş və işlərində müvəffəqiyyətlər arzulamışdır.{nl}