Milli Məclisin hüquq siyasəti və dövlət quruculuğu komitəsinin aprelin 20-də keçirilmiş iclasında "Azərbaycan Respublikası Konstitusiyasının 109-cu maddəsinin 9-cu bəndinə uyğun olaraq Azərbaycan Respublikasının Baş prokuroru vəzifəsinə təyin olunmasına razılıq verilməsi haqqında" məsələyə baxılmışdır.
Komitənin sədri Əli Hüseynov demişdir ki, Azərbaycan Prezidentinin təqdimatına əsasən Baş prokuror vəzifəsinə Zakir Bəkir oğlu Qaralovun namizədliyi irəli sürülmüşdür.
Çıxış edən deputatlar Zakir Qaralovun hüquq-mühafizə, prokurorluq orqanlarındakı fəaliyyətini müsbət dəyərləndirmiş, onun yenidən Baş prokuror vəzifəsinə təyin olunması məsələsini məqsədəmüvafiq hesab etmişlər.
Komitənin iclasında "Azərbaycan Respublikasının 2009-cu il IIIQ nömrəli Qanunu ilə təsdiq edilmiş Miqrasiya orqanlarında qulluqkeçmə haqqında" Əsasnaməyə əlavələr edilməsi haqqında", "Azərbaycan Respublikası vətəndaşlarının şəxsiyyət vəsiqəsi haqqında" və "Azərbaycan Respublikası vətəndaşının şəxsiyyət vəsiqəsinin nümunəsinin təsdiq edilməsi haqqında" qanuna əlavələr və dəyişikliklər edilməsi haqqında" qanun layihələrinə baxılmışdır.
Qanun layihələri təsdiqlənmək üçün Milli Məclisin müzakirəsinə tövsiyə olunmuşdur.{nl}