ATƏT-in Astanada keçirilən VII sammitində çıxış edən Türkiyə Prezidenti Abdullah Gül demişdir ki, təşkilata üzv ölkələrin dövlət başçıları ölkələrin ərazi bütövlüyünün qorunması məsələsində həssaslıq göstərməlidirlər.
Türkiyə Prezidenti vurğulamışdır ki, regional və beynəlxalq münaqişələrin həllində ölkələrin liderləri bir-birini dəstəkləməlidirlər. Bu problemlərin yalnız sülh yolu ilə həll olunacağı təqdirdə keçirilən zirvə görüşləri əhəmiyyətli olacaqdır. Xüsusilə, Azərbaycan və Ermənistan arasında uzun müddətdir həll olunmayan Dağlıq Qarabağ probleminin sülh yolu ilə nizama salınması istiqamətində ATƏT-ə üzv ölkələr səylərini gücləndirməlidirlər.

Oqtay BAYRAMOV, AzərTAc-ın xüsusi müxbiri
Ankara