Hazırda bölgədə mövcud olan vəziyyət Türkiyə, Azərbaycan, Rusiya və Ermənistanın xeyrinə deyildir.
Bu sözləri ATƏT-in Astanada keçirilən VII sammitində iştirak edən Prezident Abdullah Gül jurnalistlərin suallarını cavablandırarkən demişdir.
Türkiyə Prezidenti jurnalistlərə sammit çərçivəsində Rusiya Prezidenti Dmitri Medvedevlə görüşdə daha çox Cənubi Qafqaz bölgəsində sabitlik məsələsinin müzakirə edildiyini bildirmişdir.
Abdullah Gül regionda problemlərin həllində Rusiyanın mühüm ölkələrdən biri olduğunu vurğulayaraq, Dağlıq Qarabağ münaqişəsinin nizamlanması ilə bağlı görüşlərin D.Medvedevin prezidentliyi dövründə sürətləndiyini söyləmişdir.
AzərTAc{nl}