AzərTAc Türkiyə informasiya kanallarına istinadla bildirir ki, bu ölkənin xarici işlər naziri Əhməd Davudoğlu ABŞ-a səfəri zamanı dövlət katibi Hillari Klintonla görüşündən sonra keçirdiyi mətbuat konfransında Türkiyə-Ermənistan danışıqlarının Azərbaycan-Ermənistan danışıqları ilə paralel aparılmalı olduğunu bildirmişdir.
Türkiyə XİN rəhbəri demişdir: "Türkiyə ilə Ermənistan arasında normallaşma prosesi nə qədər uğurla davam etdirilsə də, Ermənistanla Azərbaycan arasındakı münaqişə bu danışıqlara öz mənfi təsirini göstərəcəkdir".
Ə.Davudoğlu Ankara-Yerevan protokollarının yalnız regionda sülhün olacağı təqdirdə qüvvədə qalacağına ümidlə yanaşdığını bildirmişdir.
XİN rəhbəri onu da qeyd etmişdir ki, Türkiyə ermənilərə qarşı heç vaxt ayrı-seçkilik qoymamışdır və Osmanlı torpaqlarında erməni nazirlər də olmuşdur.{nl}